Озарбойжон президенти мамлакат парламентини тарқатиб юборди
Озарбойжон президенти Илҳом Алиев Миллий мажлис (парламент)ни тарқатиб юборди ва 9 февраль кунига қонунчилик органига навбатдан ташқари сайловлар ўтказилишини белгилади. Бу ҳақдаги фармон мамлакат президенти сайтида эълон қилинди.
Миллий мажлисни тарқатиб юбориш ташаббуси билан "Ени Азербайжан" ("Янги Озарбойжон") партияси депутатлари чиқишганди. Улар буни давлат раҳбарининг ислоҳотларини қўллаб-қувватлаш ва парламент таркибини ёшартириш зарурати билан изоҳлашди.
Ушбу ташаббусни мустақил ва мухолифатчи депутатлар ҳам қўллаб-қувватлади.
Парламент душанба куни парламентни тарқатиб юбориш ва қонунчилик органига навбатдан ташқари сайловлар ўтказиш тўғрисида президентга мурожаат қабул қилди.
Ушбу қарорни ёқлаб 99 депутат овоз берди, бир киши қарши чиқди, бир киши бетараф қолди ва яна бир киши овоз бермади.
Озарбойжон Миллий мажлиси (бир палатали парламент) умумий ва тўғридан-тўғри сайловлар орқали беш йил муддатга сайланадиган 125 нафар депутатдан иборат. Парламент сайловлари ҳар беш йилда ўтказилади. Навбатдаги парламент сайловлари 2020 йил ноябрда бўлиб ўтиши керак эди.
Мавзуга оид
12:51 / 03.10.2024
Ўзбекистон ва Озарбойжон ўртасидаги товар айланмаси сезиларли тарзда ўсмоқда
23:53 / 30.09.2024
Озарбойжонда ўзбекистонлик ҳарбийлар иштирокида «Маҳорат-2024» қўмондонлик-штаб ўқувлари бошланди
14:50 / 30.09.2024
Ўзбекистон парламент сайловларида овоз бериш учун Россияда 7 та сайлов участкаси ташкил этилади
20:16 / 27.09.2024