Тошкентда Марказий Осиё давлатлари ташқи ишлар вазирлари ўринбосарлари учрашуви бўлиб ўтади

Тошкентда Марказий Осиё давлатлари ташқи ишлар вазирлари ўринбосарларининг учрашуви ташкил этилади. Бу ҳақда ТИВ хабар бермоқда.

Қайд этилишича, 2019 йилнинг 14 декабрь куни Тошкент шаҳрида Марказий Осиё давлатлари ташқи ишлар вазирлари ўринбосарларининг навбатдаги учрашуви бўлиб ўтади. Учрашув БМТнинг Марказий Осиё учун превентив дипломатия бўйича Минтақавий маркази (МОПДММ) томонидан ташкиллаштирилмоқда.

Қирғизистон, Қозоғистон, Тожикистон, Туркманистон, Ўзбекистон ҳамда Афғонистон ташқи сиёсат идоралари вакиллари минтақавий муносабатларни ривожлантириш истиқболларини ва МОПДММ билан ҳамкорлик йўналишларини муҳокама қиладилар.