Туркия АҚШга Patriot тизимини сотиб олиш таклифи билан чиқди

Туркия АҚШга Анқарага Patriot ракетага қарши мудофаа тизимини сотиш таклифи билан чиқди, деб маълум қилди Туркия ташқи ишлар вазири Мавлут Човушўғлу.

"Туркия АҚШ ҳали ҳам бизнинг иттифоқчимиз эканлигига ва биз ҳам аввалгидек унинг иттифоқчиси бўлиб қолганимизга ишонади. Россия билан С-400 сотиб олиш бўйича келишувимизни ҳеч ким бекор қилолмайди. Россиянинг таклифи фойдалироқ эди ва биз буни қабул қилдик. Ҳозирда АҚШдан Patriot тизимини сотиб олишга тайёрмиз, уларнинг жавобини кутяпмиз", - деди Човушўғлу.

У С-400 етказиб берилгани учун АҚШ томонидан санкция қабул қилингудек бўлса, Туркия бунга жавоб қайтаришга мажбур бўлишини айтди.

Аввалроқ Човушўғлу Анқара Россиянинг С-400 зенит-ракета тизимларини сотиб олгани учун АҚШ санкция жорий этадиган бўлса, Туркия америкалик ҳарбийлар учун ўзининг Инжирлик авиабазасини ёпиш имкониятини кўриб чиқишга тайёрлигини айтганди.