«ЮНЕСКОнинг талаби – тегмаслик, лекин лойдан бўлган маданий мерос объектларимизни таъмирламасак уларни йўқотамиз» – Алишер Қодиров

«Миллий тикланиш» демократик партияси лидери Алишер Қодиров ЮНЕСКО Ўзбекистондаги тарихий объектларга нисбатан қараш ва ёндошувини ўзгартириши керак, деб ҳисоблайди. Бу ҳақда у «Демократик дебат» ток-шоусининг 17 декабрь кунги сонидан кейин Kun.uz мухбири билан суҳбатда айтиб ўтди.

«Биздаги маданий мерос объектлари ўзига ҳос. ЮНЕСКО рўйхатидаги жуда кўп маданий меърос намуналари тош, ғишт ва мармардан қилинган. Ўзбекистондаги маданий мерос объектларининг ўзига хослиги – улар  лойдан қилинган.

ЮНЕСКОда бизнинг объектларимизга нисбатан бошқача қараш йўқ. У мана шу бинолар устига лойдан сувоқ тортилса ҳам ўзининг талаблари бузилган, деб ҳисоблайди.

Ташкилотнинг талаби маданий мерос объектларига умуман тегмаслик, лекин биздаги маданий меърос объектлари мутахассис томонидан белгиланган шаклда реставрация қилиб турилмаса, биз уларни йўқотиб қўямиз.

Айнан шу сабабли ЮНЕСКОнинг Ўзбекистондаги тарихий объектларга нисбатан қараш ва ёндошувини ўзгартириш устида ишлаяпмиз», дейди Алишер Қодиров.