Қўшимча функционаллар
-
Тунги кўриниш
Китоб геопарки ЮНЕСКО рўйхатига кириши мумкин
Тошкентда Ўзбекистон ва ЮНЕСКО вакиллари ўртасида ўтказилган онлайн учрашувда Китоб геопаркини ЮНЕСКОнинг Глобал геопарклар тармоғига киритиш масаласи муҳокама қилинди.
Фото: kitabgeopark.uz
Учрашувда Ўзбекистон томонидан Тоғ-кон саноати ва геология вазирлиги, Китоб геология қўриқхонаси ҳамда ЮНЕСКО ҳузуридаги ваколатхона вакиллари иштирок этди. ЮНЕСКО томонидан эса тегишли бўлим раҳбарлари ва мутахассислар қатнашди.
Музокаралар давомида Китоб геопаркини халқаро тармоққа киритиш бўйича олиб борилаётган тайёргарлик ишларининг ҳозирги ҳолати кўриб чиқилди. Шунингдек, мазкур мақомга эришилган тақдирда бажарилиши лозим бўлган вазифалар юзасидан фикр алмашилди.
Таъкидланишича, геопаркнинг асосий вазифалари сифатида барқарор туризмни ривожлантириш, ҳудуднинг табиий ва тарихий меросини тарғиб қилиш ҳамда унинг халқаро нуфузини ошириш масалаларига алоҳида эътибор қаратилмоқда.
Ўзбекистон вакилларига кўра, Китоб геопаркини ЮНЕСКОнинг Глобал геопарклар тармоғига киритиш орқали ҳудуднинг сайёҳлик салоҳиятини кенгайтириш, инфратузилмани ривожлантириш ва уни муҳим илмий ҳамда табиий объект сифатида танитиш мақсад қилинган.
Мавзуга оид
21:15 / 11.12.2025
Сумалак тайёрлаш ЮНЕСКО номоддий маданий мероси рўйхатига киритилди
13:00 / 11.12.2025
Қорақалпоқ ўтови ЮНЕСКО номоддий маданий меросининг Репрезентатив рўйхатига киритилди
17:45 / 10.12.2025
Саида Мирзиёева қўбиз ва ўтовнинг ЮНЕСКО маданий мерос рўйхатига киритилганини олқишлади
11:20 / 10.12.2025