АҚШда 60дан кўпроқ машинанинг тўқнашувида ўнлаб одамлар жабрланди

22 декабрь эрталаб АҚШнинг Виргиния штатида 60 дан кўпроқ машина тўқнашиб кетиши оқибатида 35 киши жабрланди, деб хабар берди Associated Press ахборот агентлиги. 

Маълум қилинишича, тўқнашув Виргиния орқали ўтувчи автомагистралда юз берган. Йўл-транспорт ҳодисаси сабабли икки йўналиш бўйича ҳаракат тўхтаб қолган. Айни вақтда бир йўналишда қатнов очилган. Таъкидланишича, тўқнашув юз берган ҳудудда туман ва яхвонлик бўлган.

Полициянинг маълум қилишича, ҳаммаси бўлиб 63 та автомобил тўқнашиб кетган. Жабрланувчилар шифохонага етказилган, улардан баъзиларининг аҳволи оғир. Ҳалок бўлганлар ҳақида маълумот берилмаган.