Хитой 2020 йилда транспорт инфратузилмасига 390 млрд доллар ажратади

Хитой 2020 йилда темир йўл қурилишига 115 млрд доллар, автомобил ва сув йўллари қурилишига 257 млрд доллар ва аэропортлар қурилишига 13 млрд доллар ажратмоқчи. Бу ҳақда Хитой транспорт вазири Ли Сяопэн транспорт масалаларига бағишланган миллий анжуманда маълум қилди. 

Вазирнинг айтишича, ҳукумат Ляонин ва Гирин провинциялари орқали ўтувчи юқори тезликдаги темир йўл линиялари қурилишини маъқуллаган. Лойиҳа қиймати 10,3 млрд долларга баҳоланган. Яна иккита темир йўл линияси Мўғулистон ва Хитойнинг Нинся-Хуэй мухтор туманини боғлайди. Бу лойиҳа учун 7,8 млрд доллар ажратилади. Цзянси вилоятида аэропорт қурилишига 237 млн доллар талаб этилади.

2019 йилда Хитой ҳукумати транспорт инфратузилмасига 460 млрд доллар сармоя қилган. Бунинг эвазига 8 минг км темир йўл линиялари, 330 минг км автомобил йўллари ҳамда 385 кмлик каналлар ва 5 та аэропорт қурилган.