Ўзбекистон фуқароси Малайзиядаги шифохонада вафот этди

28 декабрь куни Ўзбекистоннинг Малайзиядаги элчихонаси консуллик бўлимига мамлакатимиз фуқароси С.Н.нинг бевақт вафот этгани тўғрисида маълумот келиб тушди, деб хабар берди Ўзбекистон ТИВ матбуот хизмати.

Хабарда айтилишича, у юрак хуружи туфайли Серданг касалхонасига ётқизилган эди.

“Элчихона вазиятни назоратга олди ва ҳамюртимизнинг жасадини ватанга юбориш учун барча зарурий консуллик-ҳуқуқий ва ташкилий чораларни кўрмоқда”, дейилади хабарда.

Консуллик-ҳуқуқий департаменти марҳумнинг оила аъзолари ва яқинларига таъзия изҳор этади ҳамда Малайзия ва Бруней ҳудудида бўлиб турган Ўзбекистон фуқаролари зарур ҳолларда мамлакатимизнинг Куала-Лумпур шаҳридаги элчихонасига +603-4253-4406 телефон рақами орқали мурожаат қилишлари мумкинлигини эслатади.