Трамп: Эрон ҳеч қачон ядро қуролига эга бўлолмайди

Фото: Tom Brenner / Reuters

АҚШ президенти Дональд Трамп Эроннинг ядровий келишувдан чиқиши тўғрисидаги хабардан сўнг Теҳрон ҳеч қачон ядро қуролига эга бўлолмаслигини билдирди.

"Эрон ҳеч қачон ядро қуролига эга бўлолмайди!" – деб ёзди у Twitter саҳифасида бош ҳарфлар билан.

Аввалроқ Эрон ядровий келишув бўйича асосий шартларни бажаришдан воз кечишини эълон қилганди.

Шу билан бирга, Эрон МАГАТЭ билан ҳамкорликни давом эттиришини маълум қилган.

АҚШ ва Эрон ўртасидаги муносабат Ироқда Америка армиясининг зарбаси оқибатида Эрон генерали Қосим Сулаймоний ҳалок бўлганидан сўнг кескинлашди.

Тайёрлаган Дилшод Аскаров

#Эрон #Дональд Трамп

Эрон ташқи сиёсати бунёдкори, Яқин Шарқ бўйича бош стратеги, Эрон Ислом инқилоби муҳофазаси корпуси таркибидаги «Кудс» махсус бўлинмаси қўмондони Қосим Сулаймоний Бағдоддаги аэропортда АҚШ президенти Дональд Трамп фармойишига биноан ўлдирилди.