Ироқда Америка ҳарбий самолёти ҳалокатга учради – ОАВ

C-27 J Spartan самолёти / Фото: AP

Ироқнинг Анбар вилоятида АҚШ ҳарбий-ҳаво кучларига қарашли C-27 J Spartan самолёти ҳалокатга учради. Бу ҳақда Ироқнинг Alforat News агентлиги хабар берди.

Агентликнинг маълумот беришича, самолёт бортида тўрт киши бўлиб, уларнинг барчаси ҳалок бўлган. Аввалроқ Iraq Newspaper газетаси ҳам самолёт қулагани ва тўрт киши ҳалок бўлгани ҳақида ёзганди.

Ироқ ва АҚШ бу борада расмий изоҳ бермаган.

C-27 J Spartan самолёти хусусиятлари ҳарбий хизматчилар ва жанговар техника ташиш, шунингдек, тиббий ёрдам кўрсатиш имконини беради.

Душанба куни Афғонистоннинг Ғазни вилоятида АҚШнинг Bombardier E-11A русумли самолёти қулаб тушганди.