Британияда Brexit’га атаб чиқарилган олтин тангалар бир кунда сотилиб кетди

Бу ҳақда Sky News телеканали хабар берди.

Қироллик зарбхонаси Brexit амалга ошадиган кун - 31 январда бундай тангалардан 1,5 мингтасини сотувга чиқарди. Ҳар бир танганинг нархи 945 фунт стерлингни ташкил қилади.  

Бундан ташқари, чекланган миқдорда иккита 50 пенслик тангадан иборат тўпламлар сотувга чиқарилган. Тангалардан бири Британиянинг Европа иқтисодий ҳамжамиятига кириши шарафига 1973 йилда чиқарилган, иккинчиси эса 2020 йилги Brexit’га аталган тангадир. Бундай тўпламдан 5 минг донаси 30 фунт стерлинг нархдан сотувга чиқарилган.

Шунингдек, Британиянинг Европа Иттифоқини тарк этишига атаб оддий металлдан ишланган 3 млн дона 50 пенслик эсдалик тангалар муомалага чиқарилади.