Европада коронавирусдан илк ўлим ҳолати қайд этилди

Бугунга қадар Хитойдан ташқари Ҳонгконг, Япония ва Филиппинда учта ўлим ҳолати қайд этилганди. Ҳаммаси бўлиб 1526 киши касаллик қурбонига айланди.

Фото : Globallookpress.com

Францияда коронавирусга чалинган хитойлик сайёҳ вафот этди. Бу Осиёдан ташқарида қайд этилган янги касалликдан илк ўлим ҳолатидир, деб хабар бермоқда BFM TV Франция соғлиқни сақлаш вазири Аньез Бузенга асосланиб.

Унинг сўзларига кўра, Хубэй вилоятидан бўлган 80 ёшли эркак Францияга 16 январда келган. У 25 январда коронавирус симптомлари билан касалхонага ётқизилган.

Бузеннинг қўшимча қилишича, хитойлик сайёҳ билан бирга унинг қизи ҳам коронавирус юқтирганлиги аниқланиб касалхонага ётқизилган. Вазирнинг сўзларига кўра, аёлнинг саломатлиги яхши ва тез кунларда унга жавоб берилади.

Тайёрлаган Дилшод Аскаров

#Франция #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.