Эрдўған Путин, Макрон ва Меркель билан Идлиб мавзусини муҳокама қилмоқчи
Аввалроқ Туркия президенти Ражаб Тоййиб Эрдўған Суриянинг Идлиб вилоятида юз бераётган тўқнашувлар учун “уруш” сўзини қўллаш мумкинлигини айтганди.
Туркия президенти Ражаб Тоййиб Эрдўған 5 март куни Россия ва Франция президентилари Владимир Путин ва Эмманюэль Макрон ҳамда Германия канцлери Ангела Меркель билан Суриянинг Идлиб вилоятидаги вазиятни муҳокама қилмоқчи. У Измир шаҳрида қилган чиқиши чоғида ана шундай баёнот берди.
"Идлиб мавзуси "Тинчлик булоғи" операцияси ўтказилган Африн ва бошқа ҳудудлар каби муҳим ҳисобланади. Бу мавзу бўйича жаноб Путин ҳамда Меркель ва Макронга қатъийлигимизни айтдим. 5 март куни Путин, Макрон ва Меркель билан учрашамиз ва бу мавзуни яна муҳокама қиламиз", - деди Эрдўған.
Аввалроқ Туркия президенти Ражаб Тоййиб Эрдўған Суриянинг Идлиб вилоятида юз бераётган тўқнашувлар учун “уруш” сўзини қўллаш мумкинлигини айтганди.
Туркия мудофаа вазирлигининг маълум қилишича, Идлибда ҳаво ҳужуми вақтида 2 нафар турк ҳарбийси ҳалок бўлган, яна 5 нафари яраланган.
Мавзуга оид
11:30 / 01.10.2024
БМТ: 100 000 киши Ливандан Сурияга қочди
16:11 / 09.09.2024
Сурияда Исроил зарбаси оқибатида 14 киши ҳалок бўлди
21:57 / 07.09.2024
АҚШ Ироқдан қўшинларини олиб чиқиш санаси маълум бўлди — ОАВ
12:52 / 10.08.2024