Австрия янги қочқинларни қабул қилмоқчи эмас
Австрия канцлерининг сўзларига кўра, Австрия 2015 йилги миграцион инқирозда ЕИнинг энг кўп жабр кўрган мамлакатларидан бири бўлган.
Австрия канцлери Себастьян Курц мамлакат янги қочқинларни қабул қилмоқчи эмаслигини айтди.
"Федерал ҳукумат сифатидаги йўлимиз аниқ, яъни: Австрияда асло ихтиёрий равишда қўшимча қочқинлар қабул қилинмайди", - деди Курц матбуот анжуманида.
Аввалроқ Австрия федерал президенти Александер Ван дер Беллен мамлакатни ЕИ аъзоиси сифатида қочқинлар, айниқса аёллар ва болаларни қабул қилишда иштирок этишга чақирганди.
Курцнинг сўзларига кўра, Австрия 2015 йилги миграцион инқирозда ЕИнинг энг кўп жабр кўрган мамлакатларидан бири бўлган.
"Дастлаб бу ердагиларни яхшироқ киришиб кетишга чақираман. Масалан, бизда меҳнат бозорига кириши мумкин бўлган 30 минг нафар ишсиз қочқин бор", - деди Австрия канцлери.
Аввалроқ Себастьян Курц Туркияни ноқонуний мигрантларнинг ЕИ, Греция ҳудудига ўтишга уринишларини ташкиллаштирганликда айблаганди.
Мавзуга оид
21:22 / 04.10.2024
Россияда ноқонуний миграция тугатилгани эълон қилинди
18:42 / 04.10.2024
Россияда ўзбек диаспораси етакчиси ноқонуний миграцияни ташкил этишда гумон қилинмоқда
22:49 / 02.10.2024
Россияда миграция сиёсати кучайтирилмоқда
20:24 / 01.10.2024