Путин ва Эрдўғаннинг музокараси олти соатдан ортиқроқ давом этди – Идлиб бўйича келишувга эришилди

Эрдўғаннинг маълум қилишича, томонлар жума куни соат 00.00дан бошлаб Идлибда ўт очишни тўхтатиш режимини жорий этишга келишиб олган.

Фото: РИА Новости

Россия ва Туркия президентлари Владимир Путин ва Ражаб Тоййиб Эрдўған ўртасидаги олти соатдан ортиқроқ давом этган музокара якунига етди.

Россия президентининг матбуот котиби Дмитрий Песковнинг маълум қилишича, Путин ва Эрдўған уч соат юзма-юз суҳбатлашган, сўнгра уларнинг суҳбатига делегациялар ҳам қўшилган.

У шунингдек, Россия билан келишилган ҳолда Идлибга Туркиянинг қўшимча кучлари жўнатилганини маълум қилди.

Москвага ташрифи олдидан Ражаб Тоййиб Эрдўған Владимир Путин билан музокаралардан сўнг Идлибда ўт очиш тўхтатилишини кутаётганини айтганди.

Тайёрлаган Дилшод Аскаров

#Владимир Путин #Ражаб Тоййиб Эрдўған

2019 йил декабрида Сурия армияси Идлибни тўлиқ эгаллаш учун юриш бошлади. Туркия эса Сурия шимолидаги иттифоқчиларини ҳимоя қилиш учун бу ҳудуддаги кузатув постларига минглаб ҳарбийларини жўнатди ва икки томон ўртасида тўқнашувлар рўй бера бошлади.