Уч нафар россиялик “сайловларга аралашгани учун” Гайанадан чиқариб юборилди

Хабар қилинишича, улар Американинг ExxonMobil нефть компаниясида ишлаган.

Гайана жамоат хавфсизлиги вазири Хемраж Рамжаттан Фото: guyanachronicle.com

Гайана жамоат хавфсизлиги вазири Хемраж Рамжаттан “сайловларга аралашган уч нафар россиялик” мамлакатдан депортация қилинганини маълум қилди, деб ёзади Guyana Chronicle газетаси.

Газетанинг ёзишича, вазир улардан кибер-қурилма, жумладан компьютерлар ва флеш-ташувчилар мусодара қилинганини билдирган.

Вазирнинг баёнотига кўра, Гайанадаги Америка савдо палатаси ассоциацияси “келиб чиқиши россиялик бўлган” тўрт кишига улар шу йилнинг 29 февралида мамлакатга келишганидан буён ёрдам бериб келган. АҚШ савдо палатаси бу айбловни инкор этган. Тўртинчи кишининг қаердалиги номаълум бўлиб турибди.

Хабар қилинишича, улар Американинг ExxonMobil нефть компаниясида ишлаган.

Гайанада 2 март куни сайловлар бўлиб ўтди.