Уханда коронавирусга чалинганлар учун очилган 11 та шифохона ёпилди

Янги турдаги коронавирус тарқалиш ўчоғи ҳисобланган Хитойнинг Ухан шаҳрида очилган 14 та вақтинчалик шифохонадан 11 таси ёпилди. Бунга улардаги аксарият беморларга жавоб берилгани сабаб ҳисобланади.

Фото: people.com.cn

Қолган беморлар коронавирусга чалинганлар қабул қилинадиган бошқа махсус шифохоналарга йўлланган.

Эпидемия бошлангандан кейин Хитойдаги бир қатор стадионлар ва кўргазма марказлари вақтинчалик госпиталларга айлантирилган. Бундай шифохоналардан бири - Цзяокоу туманидаги шифохона 1 март куни биринчи бўлиб ёпилган.

Охирги маълумотларга кўра, коронавирусга чалинганлар умумий сони дунё бўйича 110 минг кишидан ошди. Улардан 62 минги соғайиб кетган, 3800 га яқини вафот этган.

Тайёрлаган: Шуҳрат Раҳимов

#Хитой #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.