Озарбойжонда коронавирусдан илк ўлим ҳолати қайд этилди

10 март куни Озарбойжон ҳукумати мамлакатда Наврўз байрами тадбирларини ўтказишни бекор қилганди.

Фото: day.az

Озарбойжонда коронавирусдан илк ўлим ҳолати қайд этилди. Эрондан ватанига қайтган ва карантинга жойлаштирилган озарбойжонлик аёл вафот этди. Бу ҳақда мамлакат вазирлар маҳкамаси ҳузуридаги тезкор штаб хабар берди.

"Аёлда коронавирус инфекцияси симптомлари аниқланганди. У карантинга жойлаштирилганди, аммо аёлнинг ҳаётини сақлаб қолишнинг иложи бўлмади", - дейилади штаб хабарида.

Аввалроқ Озарбойжонда коронавирус юқтирганлар сони 15 нафарга етгани хабар қилинганди.

10 март куни Озарбойжон ҳукумати мамлакатда Наврўз байрами тадбирларини ўтказишни бекор қилди.

#Озарбойжон #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.