Германия Франция, Австрия ва Швейцария билан чегараларни ёпади

Германия 16 мартдан Франция, Австрия ва Швейцария билан чегараларни ёпади. Бунга нафақат коронавирус тарқалишини тўхтатиш, балки хорижликлар томонидан Германияда озиқ-овқат маҳсулотлари ва биринчи эҳтиёждаги буюмларнинг оммавий равишда сотиб олиниши олдини олиш сабаб ҳисобланади.

Фото: EPA

Бу ҳақда ўз манбаларига таяниб Bild нашри хабар берди.

Маълум қилинишича, ушбу қарор Германия канцлери Ангела Меркель, ички ишлар вазири Хорст Зеехофер, Бавария, Бален-Вюртемберг ва Саар ери бош вазирлари ўртасидаги телефон суҳбати натижасига кўра қабул қилинган.

Маълум қилинишича, ушбу қарор 16 март соат 8дан кучга киради. Чегарани кесиб ўтишга фақат юк транспорти ва бир давлатда яшаб, иккинчи давлатда ишлайдиганларга рухсат берилади.

Маълум қилинишича, чегараларда дўконларнинг “ишғол қилиниши” билан боғлиқ ҳолда келиб чиққан саросима маҳсулотлар етказиб беришда муаммоларга олиб келган.

Аввалроқ Меркель мутахассислар маълумотларига таяниб коронавирусга қарши эмлаш ва тегишли даволаш бўлмаса, Германия аҳолисининг 60-70 фоизи вирусга чалиниши мумкинлигини айтган.

Тайёрлаган Шуҳрат Раҳимов

#Германия #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.