Ухан университетида ўқиган архитектор қиз Эркинжон Турдимовга маслаҳатчи бўлди

Турдиалиева Тахмина Ҳусановна Самарқанд вилоят ҳокими Эркинжон Турдимовнинг қурилиш масалалари бўйича маслаҳатчиси бўлди.

Фото: Самарқанд вилоят ҳокимлиги

Бу ҳақда вилоят ҳокимлиги ахборот хизмати хабар бермоқда.

Тахмина Турдиалиева 2020 йил 18 мартдаги вилоят ҳокими қарорига кўра вазифасига киришган. У Тошкент архитектура ва қурилиш институтини тамомлаган. Шунингдек, Хитойдаги Ухан техника университети ҳамда Хуанжун илм-фан ва технология университетларида таълим олган.

Тахмина Турдиалиева Жанубий Кореянинг «Better Together Challenge 2019» халқаро танловида иккинчи ўринни олди

«Yacademy» ёш архитекторлар академиясида малака оширган Турдиалиева тайинловга қадар Хитойнинг «Cube design» архитектура корхонасида фаолият юритаётган эди.