АҚШ коронавирус аниқланмаган Туркманистонга деярли 1 млн доллар ажратди

АҚШ ҳукумати коронавирус эпидемиясидан ҳимояланиш учун Туркманистонга 920 минг доллар ажратди. Бу ҳақда TurkmenPortal хабар берди.

Фото: РИА Новости

Молиявий ёрдам маблағлари лабораторияларни тайёрлаш, касалликни аниқлаш, эпидемиологик назоратни кучайтириш ва бошқа чораларни қўллашга сарфланади.

Расмий маълумотга кўра, ҳозирги вақтда Туркманистонда коронавирус юқтириб олганлар аниқланмаган.

БМТнинг Туркманистондаги вакили Елена Панова баёнотига кўра, халқаро ташкилот расмий статистикага таянади. «Биз шу маълумот асосида ишлаймиз. Бу ерда ишонч билдириш ҳақида гап кетмаяпти, шунчаки ишимиз шундай», — деди у.

Тайёрлаган Сардор Юсупов

#АҚШ #Туркманистон

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.