Уимблдон мусобақаси пандемиядан суғурта қилингани маълум бўлди

Теннис бўйича Уимблдон мусобақаси ташкилотчилари коронавирус пандемияси сабабли мусобақани бекор қилишди.

Фото: wimbledon

Бироқ улар молиявий йўқотишларга учрашмайди, чунки мусобақа пандемия ҳолатига суғурталанган бўлган.

The Times нашрининг маълум қилишича, мусобақанинг бекор қилиниши учун суғурта тўловлари 114 млн еврони ташкил қилади.

“Катта дубулға” сериясига кирувчи Уимблдон мусобақаси 29 июндан 12 июлгача бўлиб ўтиши керак эди. Бироқ пандемия сабабли мусобақа 2021 йилдагина ўтказилади.

Таъкидланишича, мусобақа охирги марта 1945 йилда уруш сабабли бекор қилинган.

Тайёрлаган Шуҳрат Раҳимов

#Уимблдон #суғурта #пандемия

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.