Танзила Норбоева Матвиенкодан Россиядаги Ўзбекистон фуқароларига амалий ёрдам беришни сўради

8 апрель куни Ўзбекистон Олий Мажлиси Сенати раиси Танзила Норбоева Россия Федерал Мажлиси Федерация Кенгаши раиси Валентина Матвиенкога мактуб йўллади.

Фото : KUN.UZ

Мактубда Россия халқига эпидемияни тез орада енгиб ўтишига чин дилдан тилак билдириб, глобал коронавирус пандемияси шароитида икки мамлакат ўртасидаги ҳамкорликни янада мустаҳкамлаш, шу жумладан, парламентлараро мулоқотни қўллаб-қувватлаш алоҳида аҳамият касб этиши қайд этилган.

Ўзбекистон Россия Федерацияси ҳукуматининг фуқароларимизнинг Россияда бўлиб туриши учун рухсат этилган муддатни узайтириш ҳамда мамлакат ташқарисига чиқиш заруратисиз меҳнат фаолиятини давом эттириш учун янги патентлар олиш шартларини енгиллаштириш бўйича қарорини қўллаб-қувватлаган.

Шу билан бирга, Россия Федерациясида бўлиб турган Ўзбекистон фуқароларининг юқорида қайд этилган муаммоларига ҳам эътибор қаратилиб, уларни тезкорлик билан ҳал қилишда амалий ёрдам кўрсатиш сўралган.

Эслатиб ўтамиз, Ўзбекистон Ташқи ишлар вазирлиги 5 апрель куни карантин даврида меҳнат патенти тўловини вақтинча кечиктириш бўйича Россия Федерацияси ҳукуматига нота юборгани хабар қилинганди.

Тайёрлаган Дилшод Аскаров

#Россия #Ўзбекистон

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.