АҚШлик сенатор Хитойни коронавирус учун "жазолаш" керак деган фикрни илгари сурди

Фото: AP Photo / Andrew Harnik

Америкалик сенатор Линдси Грэм Fox News телеканалига берган интервьюсида Хитой америкаликларнинг ҳаётдан кўз юмиши ва ишсизлигида бош айбдор экани ҳақида баёнот берди.

"Пандемия Хитой ҳукумати ва унинг сиёсати туфайли бошланди. Бу Хитойдан тарқаган учинчи касалликдир", — деб изоҳ берган сенатор. Унинг қайд этишича, АҚШ "Хитойни ўз хатти-ҳаракатларини ўзгартиришга мажбурлаши керак".

"Ва мен Хитойга қарзимизнинг бир қисмидан воз кечишни бошлашни хоҳлардим, чунки биз уларга эмас, улар бизларга тўлаши керак!" — деган сенатор.

Шу билан бирга, унинг фикрича, пандемия ғарб мамлакатларининг заиф томонини кўрсатиб берган. Бундан ташқари, Хитойни шундай жазолаш керакки, уни келгусида тўхтатиб турсин.