Полиция Москвага кириш йўлларини назорат остига олди

Кейинги суткада Россияда ушбу касалликка чалиниш билан боғлиқ 1667 та ҳолат қайд этилди, жами ҳолатлар сони 13,5 мингдан ошди, 100дан ортиқ киши вафот этди. Энг кўп бемор Москвада аниқланган – 9 мингга яқин.

Фото: Коммерсанть

Москвадаги барча кириш йўлларида транспорт ҳаракатини назорат қилаётган полициячилар навбатчилик қилмоқда, деб маълум қилди Москва ИИВ бошқармаси матбуот хизмати раҳбари Владимир Васенин. Улар транпсорт эгаларидан Москвага кириш сабабини аниқлашмоқда.

«Ҳозирда полиция ходимлари куну тун пойтахтнинг барча районларида навбатчилик қилмоқда. Бундан ташқари, шаҳарга кирувчи барча йўлларда автоинспекция ходимлари транспорт ҳаракатланишини назорат қилмоқда»,— деди Владимир Васенин.

Чекловлар коронавирус тарқалиши сабабли жорий этилмоқда. Кейинги суткада Россияда ушбу касалликка чалиниш билан боғлиқ 1667 та ҳолат қайд этилди, жами ҳолатлар сони 13,5 мингдан ошди, 100дан ортиқ киши вафот этди. Энг кўп бемор Москвада аниқланган – 9 мингга яқин.

Аввалроқ Москва мэри Сергей Собянин шаҳарда рухсатнома билан юриш режими жорий этилишини эълон қилганди.

#Москва #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.