Telegram'дан ўзбек тилида фойдаланиш имконияти яратилди

Ҳозирда мессенжернинг Android ва iOS тизимларида ишловчи охирги версияларини ўрнатиш орқали иловани ўзбек тилига ўтказиш мумкин. Telegram Desktop ҳам тез орада бундай имкониятга эга бўлади.

Интерфейсни ўзбекчага ўзгартириш учун қуйидаги кетма-кетликни бажариш зарур:

Settings → Language → O‘zbek
Настройки → Язык → O‘zbek

Исталган киши таржималар платформаси орқали Telegram'нинг ўзбекча талқинини мукаммаллаштиришга кўмаклашиши мумкин.

Маълумот учун, Ўзбекистондаги энг оммабоп мессенжер саналувчи Telegram`нинг фаол фойдаланувчилари сони 2018 йил март ойи ҳолатига кўра 200 миллиондан зиёдни ташкил этган. 2017 йил августида илова асосчиси Павел Дуров фойдаланувчилар сони кунига 600 минг кишидан ошиб бораётганини маълум қилганди.