Андижоннинг барча туманларидан Сирдарёга жами 17та юк машинасида ёрдам жўнатилди

Сирдарё вилоятидаги Сардоба сув омборида авария рўй бериши оқибатида жабрланган фуқаролар учун андижонликлар томонидан иккинчи марта инсонпарварлик ёрдами юборилди.

Kun.uz мухбири хабар беришича, сирдарёлик юртдошлар учун Андижон вилояти ҳокимлиги ташаббуси билан барча туманлар ҳиссасини қўшган, жами қиймати 4 млрд сўмни ташкил этадиган навбатдаги инсонпарварлик кўмаги юборилди.

17та юк машинасига ортилган кўмак карвонида озиқ-овқат ва ноозиқ-овқат маҳсулотлари, кийим-кечаклар, санитар-гигиеник ҳамда тиббий воситалар, бирламчи эҳтиёж учун зарур бўлган анжомлар мавжуд.