Абдулазиз Комилов ва Муҳаммад Жавод Зариф ўзаро ҳамкорлик масалаларини муҳокама қилди

2020 йилнинг 7 май куни Ўзбекистон ташқи ишлар вазири Абдулазиз Комиловнинг Эрон ташқи ишлар вазири Муҳаммад Жавод Зариф билан телефон орқали мулоқоти бўлиб ўтди.

ТИВ хабарига кўра, суҳбат аввалида томонлар 6 май куни икки мамлакат раҳбарлари ўртасида жуда самарали ҳамда очиқлик ва яхши қўшничилик руҳида бўлиб ўтган телефон орқали мулоқотни юқори баҳоладилар.

ТИВ раҳбарлари савдо-иқтисодий ва транспорт-коммуникация соҳаларидаги ҳамкорлик суръатларини ошириш масалалари бўйича фикр алмашдилар.

Суҳбат чоғида Афғонистондаги ҳолат, халқаро ҳамжамиятнинг мазкур мамлакатдаги можарони ҳал қилиш борасидаги саъй-ҳаракатлари юзасидан ҳам фикр алмашилди.

Вазирлар халқаро ва минтақавий аҳамиятдаги бошқа масалаларни ҳам кўриб чиқдилар.