Британияда коронавирус хавфининг 5 балли шкаласи жорий қилинди

Британия ҳукумати мамлакатда коронавирус хавфининг 5 балли шкаласини жорий қилди. Қиролликда бу даража карантин эвазига тўртинчидан учинчига туширилади.

Бу ҳақда Британия бош вазири Борис Жонсон маълум қилди.  

“Вазиятни кузатиш учун коронавирус хавфидан огоҳлантирувчи янги шкалани киритдик. Унинг янгиланишига биохавфсизлик бўйича бирлашган марказ масъулдир. Ҳаммаси бўлиб 5 та даража бўлади. Карантин вақтида биз 4-даражада бўлгандик ва айни вақтда 3-даража томон ҳаракатланадиган ҳолатда турибмиз”, деб айтган Жонсон миллатга мурожаатида.   

Унинг таъкидлашича, хавфнинг 1-даражаси – яшил даража мамлакатда вирус йўқлигини, 5-даража – қизил эса миллий соғлиқни сақлаш тизими коронавирусга чалинганлар кўплигидан уларни эплай олмаётганини англатади.

Шунингдек, мамлакатда хориждан келаётган барча учун 14 кунлик мажбурий карантин киритилади. Айни вақтда Британия ичида карантин амал қилиб, чегаралар ёпилмаган. Хориждан келаётганлар ҳозирча карантин ўтиши шартмас қилиб белгиланган.

“Яқин орада, вирус тарқалиши анча камайгандан кейин хориждан келганлар ҳисобига такрор касалланишлар бўлмаслиги учун мамлакатимизга учиб келаётганлар учун мажбурий карантин киритилади”, деб айтган Жонсон. 

Бош вазирнинг таъкидлашича, мактаблар ва дўконлар 1 июндан кейин секин-аста очилиши мумкин.

Жонсон юртдошларига пандемия вақтида ҳукумат ҳаракатларини қўллаб-қувватлаганликлари учун миннатдорлик билдирган. Унинг таъкидлашича, яқин вақтда карантин чоралари сақланиб қолади.