Хитойда автоцистерна портлаши оқибатида юздан ортиқ киши жароҳатланди
Портлаш тўлқини шу даражада кучли бўлганки, цистерна шосседан учиб чиқиб кетган, яқин атрофдаги бинолар вайрон бўлган, шоссе ва аҳоли пунктидаги автомобиллар ёниб кетган. Кўплаб инсонлар вайроналар остида қолган.
Хитойнинг Чжэцзян провинциясидаги Вэньпин шаҳар уезди шоссесида автоцистерна портлаши оқибатида тўққиз киши ҳалок бўлди ва камида 112 киши жароҳатланди. Бу ҳақда China Daily газетаси хабар берди.
Ҳодиса G15 "Шэньян-Хайкоу" шоссесида содир бўлган.
Дастлабки тергов натижаларига кўра, автоцистерна Нинбо шаҳридан Вэньчжоу шаҳар округига суюлтирилган газ олиб кетаётган бўлган.
Воқеа жойида 450дан ортиқ ўт ўчирувчилар, қутқарувчилар, тиббиёт ва полиция ходимлари иш олиб бормоқда.
Портлаш тўлқини шу даражада кучли бўлганки, цистерна шосседан учиб чиқиб кетган, яқин атрофдаги бинолар вайрон бўлган, шоссе ва аҳоли пунктидаги автомобиллар ёниб кетган. Кўплаб инсонлар вайроналар остида қолган.
Портлаш сабаби ҳозирча аниқланмаган.
Мавзуга оид
10:06 / 12.09.2024
Самарқандда газ портлаган «дом» аҳолиси эвакуация қилинмоқда
20:52 / 30.08.2024
Германияда Украина учун қурол ишлаб чиқарадиган Diehl компанияси заводида портлаш содир бўлди
00:20 / 25.08.2024
Францияда синагога яқинида портлаш содир бўлди
10:29 / 27.07.2024