Ироқда депутатлар коронавирус сабабли йиғилишларда иштирок этишдан бош тортмоқда

Фото: Flickr

Ироқ парламенти депутатлари коронавирусга чалиниш қўрқуви остида парламент йиғилишларида иштирок этишдан бош тортмоқда. Бу ҳақда Shafaq ахборот агентлиги парламентдаги манбага таяниб хабар берди.

“Айни вақтда йиғилишлар ўтказилиши тиклангани ёки чақиртирилганининг бирорта аломати йўқ. Парламент аъзолари коронавирусга чалинишдан қўрқиб палата йиғилишларига келишмаяпти”, деб маълум қилган манба.

Унинг таъкидлашича, 30 дан кўпроқ депутат коронавирусга чалинган, улардан баъзилари даволанишдан ўтмоқда. Шу сабабли парламент йиғилишларини видеоформат шаклида ўтказиш режаси ишлаб чиқилмоқда.

Охирги маълумотларга кўра, Ироқда коронавирусга чалинганлар сони 45 мингдан, вафот этганлар сони 1,7 мингдан кўпроқни ташкил қилмоқда. Ироқ соғлиқни сақлаш вазирлиги аввалроқ мамлакат коронавирусга чалинишнинг энг юқори даражасига чиқаётганини маълум қилган. Ироқда коронавирус сабабли киритилган комендантлик соати амал қилиши давом этмоқда, ички ва халқаро авиаалоқа ҳамда таълим муассасалари фаолияти тўхтатилган.

#Ироқ #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.