Сотувчи шаҳзода Чарльз билан суҳбатлашиб туриб ҳушидан кетди (видео)

Британия шаҳзодаси Чарльз ўз рафиқаси билан Бристолдаги Asda дистрибюторлик марказига ташриф буюрганда эркак сотувчилардан бири ҳушидан кетиб қолди. 

Ушбу ҳолат видеоси YouTube’даги The Royal Family Channel каналида жойлаштирилган.

Қироллик оиласи аъзолари ташриф буюрган марказ пандемия вақтида Британияни ҳаётий муҳим озиқ-овқат захираси билан таъминлаган. 

Марказ ходимларидан бири шаҳзода билан суҳбатлашаётган вақтда чайқала бошлаб, кейин ҳушини йўқотиб йиқилиб тушган. Шаҳзода сотувчини ушлаб қолмоқчи бўлган. Ҳушини йўқотган сотувчига тезда ён-атрофдагилар ёрдамга келган. Эркак бироздан кейин ҳушига келган ва шаҳзода у билан суҳбатни давом эттирган.