Сардобада 18 ёшли қиз автоҳалокат қурбони бўлди

2020 йил 24 июл куни соат 12:10ларда фуқаро, 2002 йилда туғилган У.Х. ҳеч қандай тегишли ҳужжатларсиз фуқаро Р.Н.га тегишли «Каптива» русумли автомашинани Сардоба тумани Қўрғонтепа маҳалласи ҳудудидан ўтган 4Р-33 автомобиль йўлининг Найман-Даштобод йўналиши 29-км.да бошқариб кетаётган бўлган.

Сирдарё вилояти ИИБ ЙҲХБ ахборот хизмати хабарига кўра, шу вақтда у рул бошқарувини йўқотиши натижасида автомашина ағдарилиб, ағанаб кетган. 

Натижада, ҳайдовчи У. Х. тан жароҳатлари олиб воқеа жойида вафот этган. 

Қайд этилишича, ҳолат юзасидан Сардоба тумани ИИБ Тергов бўлинмаси томонидан суриштирув ишлари олиб борилмоқда.