Фарғонада цемент олиб беришни ваъда қилган шахсга нисбатан жиноят иши қўзғатилди

Ҳолат юзасидан Жиноят кодексининг 168-моддаси 4-қисми “а” банди билан жиноят иши қўзғатилган.

2019 йилнинг ноябрь ойида 43 ёшли О.Ю. таниши 33 ёшли И.К. билан Фарғона шаҳар Аэропорт кўчасида учрашган, деб хабар бермоқда Ўзбекистон Республикаси ИИВ ҳузуридаги Тергов департаменти.

Қайд этилишича у И.К.га “Бекобод-Цемент” АЖдан цемент маҳсулотларини арзон нархда олиб беришни ёлғондан айтиб, жами 137.000.000 сўм пулларини фирибгарлик йўли билан қўлга киритиб, шахсий эҳтиёжлари учун сарфлаб юборган.

Мазкур ҳолат юзасидан Фарғона шаҳар ИИО ФМБ ҳузуридаги Тергов бўлими томонидан О.Ю.га нисбатан Ўзбекистон Республикаси Жиноят кодексининг 168-моддаси 4-қисми “а” банди (жуда кўп миқдорда фирибгарлик) билан жиноят иши қўзғатилган.

Ҳозирда дастлабки тергов ҳаракатлари олиб борилмоқда, дейилади маълумотда.