Туркия Сардоба офати жабрдийдаларига Қурбон ҳайити муносабати билан инсонпарварлик ёрдамини кўрсатди

Туркия Ички ишлар вазирлиги, Табиий офатлар ва фавқулодда вазиятлар бошқармаси (AFAD) томонидан етказиб берилган гуманитар ёрдам таъминотини олиб борувчи юк машиналари автокарвони 30 июль, пайшанба куни Ўзбекистоннинг Сирдарё вилоятидаги Сардоба туманига мутасаддиларига топширилди.  

Шу муносабат билан, Туркиянинг Ўзбекистондаги фавқулодда ва мухтор элчиси Меҳмет Сурейя Эр баёнот берар экан, 2020 йил 1 май куни содир бўлган талофатдан сўнг, Туркиянинг барча тегишли ташкилотлари ҳамда Ўзбекистон ҳукумати ўртасида яқин ҳамкорлик ўрнатилиб, фалокат натижасида кўрилган талофатларни бартараф этиш учун самарали қадамлар ташланганини қайд этди. 

Covid-19 пандемияси дунё миқёсида қийинчиликлар яратаётган бир маҳалда,  ушбу бало натижасида юзага келган талофатларини санаб ўтган Меҳмет Сурейя Эр Ўзбекистон президенти Мирзиёев ва давлатнинг барча тегишли ташкилотлари мамлакат аҳолисининг эҳтиёжларини қисқа вақт ичида қондириш учун тезкор чора-тадбирларни амалга оширганини ҳам алоҳида таъкидлаб ўтди. 

Эслатиб ўтамиз, бундан аввал, Ўзбекистонга фалокат оқибатларини енгиллаштириш мақсадида Туркиянинг ТИКА ҳамкорлик ва мувофиқлаштириш агентлиги 4000 дона ётоқ тўплами (матрас, кўрпа, ёстиқ, чойшаблар) етказиб берилган эди. 

Жорий йилнинг 1 май куни Сардоба сув омбори ўпирилиши оқибатида кўплаб турар-жойлар сув остида қолган. Вилоятдан қарийб 90 минг киши эвакуация қилинган эди. Офат 6 кишининг умрига зомин бўлганди.