Пойтахтнинг Бектемир тумани нисбатан кичик ва аҳолиси оз бўлишига қарамай бу туман раҳбарияти эзгу ташаббуслар билан кўп марта тилга тушган.
Миллий гвардия, Ўзбекистон ёшлар иттифоқи Бектемир тумани Кенгаши ва Бектемир тумани ҳокими Шоҳрух Мамажонов аҳоли билан кўришиб, пандемия шароитида мавжуд муаммоларни ечиш борасидаги ишлар билан танишди.
Шоҳрух Бахтиёрович тумандаги кам таъминланган, ёлғиз, ижтимоий ҳимояга муҳтож оилаларнинг ҳам аҳволини ўрганиб, уларни қийнаётган муаммоларни жойида бартараф этди. Туман раҳбари ҳокимликнинг ҳар бир фуқаро билан елкама-елка бирга бўлишини, ҳар қандай ҳолатда ҳам муҳтожларни қўллаб-қувватлашини алоҳида таъкидлаб ўтди.
Бундан ташқари, тарғибот ишларида кўнгиллилар ҳам иштирок этиб, ҳар бир фуқаро ўзининг ва яқинларининг саломатлигини ўйлаб, карантин талабларига қатъий риоя қилиши борасида тушунтириш ишларини олиб бордилар.
