Марғилонда гаров ўйнаб, Nexia’га 3 тонна цемент юклаган ҳайдовчига чора кўрилди

6 август куни марғилонлик фуқаро ўз таниши билан катта маблағ эвазига гаров ўйнаб, Nexia русумли автомашинасига қопланган 3 тонна цемент маҳсулотларини юклаб «Қашқар» маҳалласи бўйлаб ҳаракатланган. Бу хатти-ҳаракат тасвирланган видео ижтимоий тармоқлар ва мессенжерларда тарқалган.

Фарғона вилояти ИИБ Ахборот хизмати хабарига кўра, автомашинанинг юк кўтариш имкониятидан бир неча баробар ортиқча босим унинг таянчларининг дарз кетишига сабаб бўлиб, ҳайдовчи ва атрофдагилар ҳаётига катта хавф туғдирган.

Мазкур ҳолат юзасидан Фарғона вилоят ИИБ ЙҲХБ ходимлари томонидан ҳайдовчига нисбатан тегишли тартибда маъмурий баённома расмийлаштирилган.