Эрдўған Истанбулдаги Хора ибодатхонасини масжидга айлантириш тўғрисида топшириқ берди

Туркия президенти Ражаб Тоййиб Эрдўған Истанбулдаги музей мақомига эга Хора ибодатхонасини масжидга айлантириш топшириғини берди. Бу ҳақда Европа оммавий ахборот воситалари ёзмоқда.

Хора ибодатхонаси номи билан танилган Халоскор Исо черкови Истанбулдаги дастлабки кўринишини сақлаб қолган Византия черковларидан бири ҳисобланади. У 1948 йилдан туристлар учун очиқ бўлиб, Карие музейи деб аталади.

Ушбу қарор Аё София ибодатхонаси масжидга айлантирилганидан бир ой ўтгач қабул қилинди.

10 июль куни Туркия олий маъмурий суди Аё София ибодатхонасини музейга айлантириш тўғрисида 1934 йилда қабул қилинган қарорни бекор қилганди.

Шундан сўнг Эрдўған ибодатхонани масжидга айлантириш тўғрисидаги фармонни имзолади. 24 июль куни Аё Софияда илк намоз ўқилди.

Аё София ибодатхонасига Византия императори Юстиниан I томонидан асос солинган ва 537 йилда очилган.