Францияда март ойидан буён коронавирус юқтириш ҳолатларининг энг юқори кўрсаткичи қайд этилди

Пайшанба куни Франция мамлакат бўйлаб яна 19та районни коронавирус боис «қизил ҳудуд» деб эълон қилди

Фото: Gonzalo Fuentes, REUTERS

Франция соғлиқни сақлаш органлари пандемия «геометрик прогрессия»да ўсиб бораётгани, кунлик 7 379та янги ҳолат ҳақида маълум қилди. Бу март ойи охиридан бери коронавирус юқтириш ҳолатларининг энг юқори кўрсаткичидир.

Маълумотларга кўра, бир ҳафтадан кам муддат давомида кунлик ўсиш кўрсаткичи уч баравар ошган.

Пайшанба куни Франция мамлакат бўйлаб яна 19та районни коронавирус боис «қизил ҳудуд» деб эълон қилди. Натижада «қизил ҳудуд»ларнинг умумий сони 21тага етди.

Тайёрлаган Гулзода Иброҳимова

#Франция #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.