Россиядаги дорихоналарда коронавирусдан даволашга мўлжалланган дорилар сотуви бошланади

Россия соғлиқни сақлаш вазирлиги матбуот хизматининг хабар беришича, вазирлик иккита дори воситасидан амбулатор шароитда фойдаланишга рухсат берган.

Фото: РИА "Новости"

«Коронавир» препарати Россиядаги дорихоналарда сотиладиган коронавирусдан даволашга мўлжалланган илк дори бўлади. Бу ҳақда «Р-Фарм» компанияси вакилига таяниб РБК хабар берди.

ТАСС хабарига кўра, келаси ҳафтадан дорихоналарда яна бир препарат - «Арепливир» сотувга чиқарилади. Бу дори Промомед» компанияси томонидан ишлаб чиқарилади.

"Арепливир"нинг халқаро патентланмаган номи "Фавипиравир" бўлиб, у Японияда гриппдан даволаш учун ишлаб чиқилган ва 2014 йилда қўллашга рухсат этилган.

Тайёрлаган Дилшод Аскаров

#дори #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.