Британияда кунлик касалланиш бўйича антирекорд ўрнатилди

Британияда 24 сентябрда коронавирусга чалиниш бўйича 6,6 мингдан кўпроқ янги ҳолат қайд этилди. Бу эса пандемия бошидан бери мамлакат учун антирекорд ҳисобланади.  

Британияда сўнгги суткада 6634 та янги касалланиш ҳолати қайд этилган. Мамлакатда жами касалланганлар сони 416 мингдан ошиб кетди. Шу билан бирга, сўнгги суткада вирусдан 40 киши вафот этган. 

Британиянинг аҳоли соғлиғини сақлаш департаменти директори Ивонн Дойлнинг таъкидлашича, охирги ҳафта ичида кунлик касалланиш ҳолатлари сони 2 баробарга ошган: ўтган пайшанба, 17 сентябрда 3395 кишида коронавирус аниқланган.

Дойлнинг айтишича, касалланиш ҳолатлари сони ошиши барча ёш гуруҳларида кузатилмоқда. 

“Барчамиз коронавирус тарқалишини тўхтатиш учун киритилган янги чораларга амал қилишимиз лозим”, деб айтган Дойл. 

Британияда июнь охиридан август бошигача касалланиш ҳолатлари камайиб, кунига минг ҳолатдан камроқ даражагача тушган эди. Бироқ шундан кейин кўрсаткичлар яна ўса бошлаган.

21 сентябрда мамлакатнинг бош санитар врачи Криса Уитти Британия коронавирус билан боғлиқ вазиятнинг критик нуқтасига етганини айтган.