Хитой иқтисодиёти пандемия давридаги инқироздан сўнг яна ўсишни бошлади

Дунёнинг иккинчи йирик иқтисодига эга бўлган Хитой карантин давомида энг кўп зарар кўрганди.

2020 йилнинг учинчи чораги сўнгида Хитой ялпи ички маҳсулоти (ЯИМ) кўрсаткичлари аста-секин кўтарилмоқда. Бироқ ўсиш иқтисодчилар кутганидек 5,2 фоизни ташкил қилмаган.

Жорий йилнинг дастлабки уч ойида Хитой иқтисодиёти бутун мамлакат бўйлаб фабрикалар ва ишлаб чиқариш корхоналарининг тўхтаб қолиши сабабли 6,8 фоизга пасайиб кетганди. Бу 1992 йилдан бери қайд этилган биринчи иқтисодий пасайиш ҳисобланади.

Душанба куни эълон қилинган кўрсаткичларга кўра, Хитойнинг иқтисодий тикланиши тез суръатларда қайта тикланмоқда. Учинчи чоракда чакана савдо ҳажми 0,9 фоизга ўсган. Шунингдек,  сентябрь ойидаги савдо кўрсаткичлари, ўтган йилнинг сентябрь ойига нисбатан экспорт 9,9 фоизга, импорт эса 13,2 фоизга ўсган ҳолда кучли тикланишни кўрсатган. 

Хитой ҳукумати бу йил коронавирусдан зарар кўрган иқтисодиётни тиклаш ва бандликни қўллаб-қувватлаш бўйича бир қатор чора-тадбирларни амалга оширди. Кенг миқёсдаги саёҳат чекловлари иқтисодий фаолиятни тўсиб қўйгандан сўнг, Марказий банк шу йил бошида сиёсатни қўллаб-қувватлашни кучайтирган.

Бош вазир Ли Кэцян шу ойнинг бошида Хитой йиллик иқтисодий мақсадларга эришиш учун машаққатли ҳаракатларни амалга ошириши кераклиги ҳақида огоҳлантирган эди.