Испанияда коронавирус сабабли яна фавқулодда ҳолат эълон қилинди

Испанияда ҳукумат қарори билан коронавирусга қарши кураш чораси сифатида фавқулодда ҳолат режими жорий қилинди.

Фото: EPA/Vostock-photo

Дастлаб ушбу режим 15 кун амал қилади. Агар мамлакат парламенти ҳукумат таклифини қўллаб-қувватласа, режим яна ярим йилга узайтирилиши мумкин.

Ушбу режим билан соат 23дан соат 6гача комендантлик соати амал қилиши кўзда тутилган, ижтимоий алоқаларга чекловлар киритилади, ҳаракатланиш чекланиши мумкин. Бундан ташқари, маҳаллий ҳокимиятлар комендантлик соати амал қилиши муддатини ўзгартиришлари мумкин.

Туризм соҳасини қўллаб-қувватлаш учун Канар оролларигина ушбу режимдан истисно бўлади.

Испанияда эпидемиологик вазият ёмонлашгани сабабли иккинчи марта фавқулодда ҳолат режими эълон қилинди. Биринчи марта у 14 март кунида киритилган ва ўшанда қатъийроқ чоралар амал қилган.

Тайёрлаган Шуҳрат Раҳимов

#Испания #фавқулодда ҳолат #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.