Россия янги ракетасини синовдан ўтказди

Ракета ҳужумидан мудофаа тизимининг янги ракетаси синови Сари-Шаған полигонида (Қозоғистон) муваффақиятли тарзда ўтказилган.

Фото: ТАСС

Россия ҳаво-космик кучлари ракета ҳужумидан мудофаа тизимининг янги ракетасини синовдан ўтказди. Бу ҳақда Россия мудофаа вазирлиги хабар берди.

Хабарда айтилишича, синов Сари-Шаған полигонида (Қозоғистон) муваффақиятли тарзда амалга оширилган.

Ҳаво-космик кучлари ракета ҳужумидан мудофаа бўлинмаси командири генерал-майор Сергей Грабчукнинг сўзларига кўра, «қатор синовлардан сўнг янги мудофаа тизимининг барча хусусиятлари тасдиқдан ўтган, берилган жанговар вазифалар аниқлик билан бажарилган».

Россия мудофаа вазирлиги Сари-Шаған полигонида ракета синови ўтказилганлиги тўғрисида охирги марта 2019 йил июлда хабар берганди.

#Россия #ракета