Нигерияда 15 киши номаълум касалликдан вафот этди

Нигериянинг Дельта штатида камида 15 нафар киши номаълум касаллик қурбони бўлди. Бу ҳақда Vanguard нашри хабар бермоқда.

Қайд этилишича, вафот этганларнинг ёши 18-25 орасида бўлган. Штат ҳукумати касаллик тарқалиши суръатини секинлаштириш учун барча саъй-ҳаракатларни амалга ошираётганини билдирди.

Африкалик эпидемиологлар одамлар ўлимининг сабабларидан бири геморрагик безгак бўлган деб тахмин қилишмоқда.  

1 ноябрда олимлар VEXAS деб номланган янги касалликни аниқлашгани хабар қилинганди. Мутахассисларнинг маълумот беришича, генетик мутациялар ҳосил қилувчи патология инсон танасида тиқилмалар пайдо бўлишига олиб келади. Бунда 40 фоиз ҳолатларда касаллик ўлим билан якун топади.

Қайд этилишича, мазкур касаллик шифокорлар илгари бир-бири билан боғламаган бир нечта шамоллаш синдромларини бирлаштирган.