Қўшимча функционаллар
-
Тунги кўриниш
Вакцина синови муваффақиятли бўлгани ҳақидаги хабарлардан сўнг олтин нархи тушиб кетди
Олтиннинг бир унцияси учун 1865 доллар таклиф қилинмоқда.
Фото: Mariya Gordeyeva / Reuters
Олтин нархи августдаги рекорддан сўнг 10 фоизга пастлади. Ўшанда бир унция олтин икки минг долларга тенг бўлганди. Нарх пастлашига коронавирусга қарши вакцинанинг самарадорлиги тўғрисидаги хабарлар сабаб бўлди, деб ёзмоқда Financial Times.
Қайд этилишича, ҳозирда олтиннинг бир унцияси учун 1865 доллар таклиф қилинмоқда.
Инвесторлар ўз захираларини камайтирмоқда, таҳлилчилар эса олтин нархи ўсиши тўхтади деган фикрда. Macquarie инвестиция банки экспертлари келгуси йилда олтиннинг бир унцияси нархи 1550 долларга тушишини кутишмоқда.
Нашрнинг ёзишича, инвесторлар бошқа қимматбаҳо металларга пул тикишмоқда. Масалан, кумуш нархи қаторасига иккинчи ой ошди, платина эса сентябрдан буён максимум даражада қимматлади.
Аввалроқ АҚШнинг Pfizer компанияси Германиянинг BioNTech компанияси билан ҳамкорликда ишлаб чиқаётган коронавирусга қарши вакцинаси клиник тадқиқотларнинг якуний босқичида 95 фоиз самарадорлик кўрсатганлиги маълум қилинганди.
Мавзуга оид
14:31 / 08.08.2024
Ўзбекистоннинг расмий захиралари рекорд миқдор – 37,4 млрд долларга етди
14:33 / 22.07.2024
Газ сотиш 24 баробарга ошди, олтин экспорти тўхтади, Россия ва Хитойга боғлиқлик ортиб боряпти – Ўзбекистон ташқи савдоси шарҳи
07:50 / 19.07.2024
11 минг долларга соф қуйма олтин бўлагини сотаётган шахслар ушланди
14:00 / 14.07.2024