Қайд этилишича, виза чекловлари хавфсизлик мақсадида жорий этилган.
Бирлашган Араб Амирликлари 18 ноябрдан 13 мамлакат фуқароларига виза беришни тўхтатди. Бу ҳақда БАА иммиграция департаментига таяниб Erem News портали хабар берди.
Эълон қилинган рўйхатдан Жазоир, Афғонистон, Ироқ, Эрон, Яман, Кения, Ливан, Ливия, Покистон, Сурия, Сомали, Тунис ва Туркия ўрин олган.
Порталнинг ёзишича, бу борадаги фармон чекланган вақт давомида амал қилади.
Ушбу чеклов жорий этилишининг сабаби маълум қилинмаган, аммо Reuters агентлиги ўз манбаларига таяниб хабар беришича, виза чекловлари хавфсизлик мақсадида жорий этилган.