Туркия авиацияси Ироқ шимолидаги қишлоқларга зарбалар берди

Ал-Амадия районидаги қатор қишлоқлар ҳаво рейдлари нишонига айланган.

Фото: Anadolu Agency

Туркия жанговар авиацияси Ироқнинг шимолий қисми бўйлаб туркум зарбалар берди. Бу ҳақда ўз манбаларига таяниб Iraqi news янгиликлар портали хабар берди.

Манбаларнинг маълумот беришича, Ал-Амадия районидаги қатор қишлоқлар ҳаво рейдлари нишонига айланган. Зарбалар оқибатида ҳалок бўлганлар ва жароҳатланганлар тўғрисида ҳозирча маълумот берилмаган.

Туркия қўшинлари Курдистон ишчи партиясининг Ироқ шимолида жойлашган лагерлари, қўмондонлик пунктлари ва қурол-яроғ омборларига вақти-вақти билан зарбалар бериб туради.

Анқара Курдистон ишчи партиясини террорчи ташкилот ва миллий хавфсизликка таҳдид деб ҳисоблайди.