Кобулдаги университетга уюштирилган ҳужум ташкилотчиси ўлим жазосига ҳукм қилинди

2 ноябр куни экстремистлар гуруҳи Кобулдаги университетга ҳужум уюштириши оқибатида 35 киши ҳалок бўлганди.

Фото: Global Look Press

Кобулдаги университетга уюштирилган ҳужум ташкилотчиси ўлим жазосига ҳукм қилинди, деб хабар бермоқда 1TVNews телеканали мамлакат ИИВга таяниб.

"Кобулдаги университетга уюштирилган ҳужум ташкилотчиси Одил ўлим жазосига ҳукм қилинди", - дейилади телеканал хабарида.

2 ноябр куни экстремистлар гуруҳи Кобулдаги университетга ҳужум уюштириши оқибатида 35 киши ҳалок бўлганди.

Дастлаб университет ҳудудида портлаш содир бўлган, сўнгра қуролланган шахслар юридик факультети яқинида отишма содир этган. Ўша вақтда бу ерда китоблар кўргазмасининг очилиш маросими ўтказилаётган бўлган.

Ҳужум натижасида 20дан ортиқ киши жароҳатланган. Ҳужум уюштирган уч нафар жангари хавфсизлик кучларининг олти соатга яқин давом этган операцияси чоғида йўқ қилинган.