Ўзбекистон иқлим ўзгариши оқибатларига қарши кураш стратегиясини тасдиқлайди

Иқлим ўзгариши оқибатларини юмшатиш бўйича Ўзбекистон Республикасининг узоқ муддатли давлат сиёсатини ишлаб чиқилади. Бу ҳақда 2021 йилга мўлжалланган давлат дастури лойиҳасида айтилган.

Қайд этилишича, Ўзбекистон Республикаси президентининг қарори лойиҳаси ишлаб чиқилади. Лойиҳада:

Ўзбекистон Республикасининг 2030 йилгача бўлган иқлим ўзгариши оқибатларига қарши кураш стратегиясини тасдиқлаш;
иқлим ўзгариши оқибатларига қарши кураш бўйича минтақавий стратегия лойиҳасини тайёрлаш назарда тутилади.

Бажариш муддати - 2020 йил 1 сентябрь, масъуллар - Олий Мажлис палаталари (келишув асосида), Ўзгидромет, Давлат экология қўмитаси, Иқтисодий тараққиёт вазирлиги, Ташқи ишлар вазирлиги, Фавқулодда вазиятлар вазирлиги.